'89-SHI E NIS FURISHËM STINORIN
Trepça’89 e nis me goleadë
20 August, 2023 @10:42
Misioni për rikthim të shpejt në Superligë për Trepçën’89 ka nisur me goleadë në Istog, ku skuadra e Shpëtim Idrizit ka mposhtur thellë ekipin e Ramush Gashit në Demush Mavraj dje.
Istogu 0-4 Trepça’89 [Happy Mashau 23, 90pen., Maddy Fatty 52, Eridon Fazliu 69].
Mitrovicasit që nga fillimi i ndeshjes u pa që janë ekip më cilësor dhe pas dominimit të krijuar dhe epërsisë së marrë në fillim të ndeshjes, në pjesë të dytë thyen krejtësisht mbrojtjen e Istogut për të fituar duelin me katër gola të shënuara dhe për t’i marrë tri pikët e para të stinorit.
Me fitore, Trepça’89 që ra nga Superliga në sezonin që e lamë pas, ka dalë në pozitë të parë për momentin, duke krijuar goldallim të madh, ndërsa Istogu do të duhet të kërkojë pikët e para të stinorit, në ndonjë ndeshje tjetër.
