BILETAT E SUPERKUPËS
UEFA njofton për biletat Real Madrid - Manchester United
10 June, 2017 @12:30
Faqja zyrtare e UEFA-së sot ka bërë të ditur përmes një njoftimi zyrtar se informatat e para lidhur me aplikimin për biletat e Superkupës europiane që zhvillohet në Shkup, ndërmjet Real Madridit dhe Mancheser Unitedit, do të publikohen më 13 qershor.
Më 8 gusht 2017, në stadiumin Filipi II të Shkupit, me fillim nga ora 20.45 do të takohen fituesi i Ligës së Kampionëve, Real Madrid dhe ai i Europa Ligës, Manchester United.
Për pagesa të biletave, UEFA ka bërë të ditur se pranohen vetëm kredikartelat MasterCard dhe Visa.
Çmimi i biletave dhe numri i tyre për shitje, do të bëhen të ditur po atë ditë.
