Trepça’89 aranzhon dy miqësore në Slloveni

Kampionja e Kosovës, Trepça’89, ka aranzhuar dy ndeshje miqësore për fazën përgatitore që do ta kryejë në Slloveni.

Astra Giurgiu nga Rumania dhe Olimpija e Sllovenisë, do të jenë kundërshtarët e parë të minatorëve në fazën përgatitore.

Ndaj ekipit që përfundoi në pozitën e gjashtë në elitën e futbollit rumun, 89shi do të luaj më 19 qershor, ndërsa ndaj ekipit që përfundoi stinorin në vend të tretë në elitën sllovene, mitrovicasit do ta luajnë më 22 qershor.

Futbollistët e Trepçës’89 do të udhëtojnë për në Slloveni më 12 qershor 2017 për të kryer fazën përgatitore para ndeshjeve të para kualifikuese në Ligë të Kampionëve.