ULPIANA - KIKA
Ulpiana me fitore 5-golëshe, Superliga është shumë afër
8 May, 2021 @17:50
Skuadra e Ulpianës është shumë afër të shpallet kampione e Ligës së Parë në grupin B, që e mundëson ate të luajë në Superligë stinorin e ardhshëm.
Ekipi nga Lipjani në ndeshjen e sotme kundër Kikës, e cila u zhvillua në kuadër të xhiros së parafundit, arriti fitore me rezultat të thellë 5-2 dhe e ruajti vendin e parë në tabelë para xhiros së fundit.
Fitorja e Ulpianës erdhi me golat e shënuara nga Shala, Qerimi, Ahmeti, T.Selimi dhe Kelmendi.
Pas ndeshjeve të xhiros së parafundit, Ulpiana kryeson në Grupin B të Ligës së Parë 50 pikë, një më shumë se Flamurtari që gjendet në pozitën e dytë me 49 pikë.
