United shpëton në kohën shtesë

Manchester United ka shpëtuar nga humbja sot në Upton Park të Londrës, një minutë pa përfunduar takimi. 

Holandezi Daley Blind ka shënuar golin e dytë të tij të stinorit për të barazuar rezultatin në minutat shtesë të takimit dhe për të shpëtuar ekipin e tij nga humbja e pestë e stinorit. 

West Ham United kishte paraqitje shumë të mirë gjatë pjesës më të madhe të ndeshjes, derisa ekipi i Sam Allardyce ka pasur raste për të siguruar fitoren, por mungoi konkretizimi. 

Në anën tjetër, Robin Van Persie e Radamel Falcao assesi nuk arrinin të gjenin rrugën e golit, pasi spanjolli Adrian në portën e vendasve mbrojti tepër mirë gjithashtu. 

Adnan Januzaj regjistroi paraqitjen e 50-të të tij me Manchester Unitedin, duke luajtur nga fillimi deri në minutën e 72-të të ndeshjes, kur Louis Van Gaal e zëvendësoi me Marouane Fellainin. 

Në fund, barazimi ia siguron Manchesterit një pikë më shumë se Tottenham, për të mbetur në vendin e katërt edhe me pikë më të larta deri në xhiron e radhës. 

Rezultatet dhe Tabela aktuale