GRUPI A: URUGUAJI - ARABIA SAUDITE
Uruguaji kalon tutje, Arabia në shtëpi
20 June, 2018 @19:00
Pas Rusisë, përfaqësuesja e dytë që ka siguruar plasmanin në 1/8 e finales është Uruguaji.
Edhe pse me lojë më të dobët se që pritej, Uruguaji e mposhti 1-0 Arabinë Saudite, për ta eliminuar këtë të fundit nga ky kampionat botëror dhe për ta kualifikuar veten në fazën tjetër.
Goli i ameriko-latinëve erdhi pas gabimit të portierit arab, ku më së miri në zonë u gjend Luis Suarez, i cili shënoi në paraqitjen e tij të 100-të me fanellën e Uruguajit.
ORARI DHE TABELAT - RUSSIA 2018
Kështu, në xhiron e fundit në Grupin A, Rusia dhe Uruguaji do të luftojnë mes vete për vendin e parë të grupit, ndërsa falë golaverazhit, Rusisë i konvenon edhe barazimi për ta mbyllur fazën grupore në vendin e parë.
