Liria mbetet pa Gavazajn

Derisa Feronikeli nuk ka të ndalur në përforcime, në anën tjetër Liria thuajse ka mbetur vetëm me lojtarë të ri në skuadër.

Së fundi, Alush Gavazaj, mesfushor i ri 23 vjeç, është zyrtarizuar si lojtar i ri i Feronikelit nga Gllogoci, ndërsa më parë ai ka bërë karrierë edhe në ekipe të Kategorisë së Parë shqiptare si Korabi, Tërbuni, Tirana, etj.

Liria ka mbi gjysmën e ekipit standard nga stinori i kaluar tashmë të larguar, me tu larguar trajneri Bledi Shkëmbi nga bardhezinjtë.

Ekipi prizrenas nuk ka bërë ende asnjë veprim sa i përket përforcimeve dhe emërimit të shefit të shtabit teknik prej se ka përfunduar stinori 2017/18 i Superligës.

Në anën tjetër, Feronikeli, përveç që ka vazhduar me Sulejman Starovën trajner, bashkë me Prishtinën dhe Llapin është ndër ekipet më aktive në afatin kalimtar veror aktualisht.