Rusia përpara, Egjipti ‘eliminohet’

Me një fitore bindëse ndaj Egjiptit, organizatori i Botërorit, Rusia, është shumë afët që të sigurojë për herë të parë fazën eliminatore prej se u nda BRSS-ja.

E nisën me një autogol të egjiptianit Ahmed Fathy, ndërsa më pas Denis Cheryshev i palodhshëm, ndërsa shpejt Artem Dzyuba vulosi fatin e takimit kur ngriti epërsinë në 3-0.

TABELA dhe ORARI

Deri në fund, tentimeve të Egjiptit i ndihmoi teknologjia, kur përmes VAR-it faraonët fituan një penallti, të cilën në gol e shndërroi Mohamed Salah - duke shënuar kështu golin e parë të Egjiptit në këtë Botëror dhe të parin të tij ndonjëherë në Botëror.

Rusia në anën tjetër tashmë duket e frikshme, me tetë gola të shënuara nga dy ndeshjet e para dhe me një mesfushë jashtëzakonisht punëtore, tash pritet të ecë përpara, e Egjipti do të shpresojë në mrekulli për tu mos u eliminuar.

Rusia do të sigurojë TOP 16-shen e Botërorit dhe Egjipti do të eliminohet, nëse nesër Arabia Saudite nuk do ta mposht Uruguajin.