ISSA DIOP
Foto: whufc.com
Rekord transfer nga West Ham United
19 June, 2018 @21:45
Skuadra londineze, West Ham United, ka thyer rekordin e ekipit në transferim të një lojtari, duke i paguar 25 milionë euro Toulouse-it si dëmshpërblim për mbrojtësin Issa Diop.
Diop, 21 vjeç, me 95 paraqitje për ekipin francez në fjalë, është reprezentues i Francës U21, ndërsa ka nënshkruar kontratë 4 vjeçare me ekipin nga Upton Park.
“Jam shumë lojtar ambicioz dhe West Ham është klub ambicioz. Thjesht, shpresoj që të kalojmë një stinor shumë të mirë këtu,” ka thënë Diop, me rastin e prezantimit të tij te ekipi i ri.
Diop, përkundër moshës së re, në stinorin e fundit ka qenë kapiten i Toulouse-it, ndërsa përshkruhet si një lider i pakontestueshëm në mbrojtje.
