Cristiano Ronaldo eliminon Marokun

Ka mjaftuar një gol i shpejtë, i shënuar në fillim të ndeshjes, kur Cristiano Ronaldo u fut me kokë brenda mbrojtjes marokene, për të goditur topin e krosuar nga korneri prej Joao Moutinhos, për epilogun përfundimtar të ndeshjes.

Goli i shënuar në minutën e katërt, doli të jetë përcaktues për rezultatin përfundimtar, ndërsa tentimet e shumta të Marokut, që u mposht edhe në ndeshjen e parë nga Irani, nuk dhanë realizim dhe kështu ekipi i Herve Renardit bëhet ekipi i parë zyrtarisht i eliminuar nga Botërori Rusia 2018.

TABELA dhe ORARI

Portugalia tash ka 4 pikë nga 2 ndeshje, ndërsa dueli i radhës i tyre do të jetë ndaj Iranit, që aktualisht ka 3 pikë dhe luan sot ndaj Spanjës.