Van Persie mungon ndaj Bayernit

David Moyesit asgjë nuk po i shkon si duhet këtë stinor. Përkundër se pas eliminimit të Olympiacosit u mendua se ekipi do të merr formën e kërkuar, ata janë tronditur me një lajm që erdhi nga sulmuesi kryesor i ekipit, Robin Van Persie. 

Sulmuesi holandez që praktikisht vetë e fundosi Olympiacosin në Ligë të Kampionëve me hat-trick, është lënduar në gjurin e tij dhe do të mungojë deri në 6 javët e ardhshme për djajt e kuq. 

Me këtë njoftim, të dhënë pak më parë nga mediat angleze, Robin Van Persie përveç që do të mungojë ndaj Manchester Cityt në derbin e qytetit, ai do të duhet të shikojë nga televizioni edhe ndeshjet ndaj Bayern Munchenit në Ligë të Kampionëve.