Varane nënshkrim ideal

Legjenda e Manchester United, Gary Neville ka pohuar se Raphael Varane i Real Madrid do të ishte nënshkrimi ideal për të rritur perspektivat e klubit sezonin e ardhshëm.

Sipas Goal, Neville zgjodhi Varane kur u pyet në Twitter se kush do të donte të bashkohej nga një klub rival këtë verë.

Mbrojtësi është jashtë kontratës në Bernabeu vitin e ardhshëm dhe e ardhmja e tij mbetet e pazgjidhur mes thashethemeve se ai mund të transferohet në Premier League.

Reprezentuesi francez ka kaluar një dekadë në Real, duke bërë më shumë se 300 paraqitje për klubin në të gjitha garat dhe duke fituar një reputacion si një nga qendërmbrojtësit më të mirë në botë.

Në United e shohin atë si partnerin ideal për Harry Maguire, i cili u bë kapiteni i Man United pas nënshkrimit nga Leicester City në gusht 2019.