Vedati me 2 gola në fitore

Sulmuesi prizrenas që po djersit fanellën e Besës së Kavajës, Vedat Muriqi, ka vazhduar me formë të mirë në Kategorinë Superiore shqiptare duke shënuar dygolësh në fitoren e ekipit të tij 3-1 ndaj Flamurtarit dje. 

Muriqi ka shënuar 2 golat brenda 30 minutave të para të ndeshjes, për t’i këputur shpresat e mysafirëve për pikë në Kavajë. 

Kalojnë Flamurtarin

Me këtë trepikësh, Besa ka dalë pikërisht 3 pikë mbi Flamurtarin dhe ka arritur që të dalë në pozitën e pestë të renditjes tabelare në Kategorinë Superiore të futbollit shqiptar. 

Muriqi 19 vjeç, i cili kishte kaluar nga Liria e Prizrenit te Teuta e Durrësit vite më parë, ka shënuar golin e tij të tretë të stinorit për Besën, ekip ky ku kaloi këtë stinor.