Barazim në Juventus Arena

Derbi italian i Europa League ndërmjet Juventusit dhe Fiorentinës ka përfunduar me barazim 1-1. Një ndeshje që ka pasur raste të panumërta dhe lirisht mund të thuhet si ndeshja e natës në këtë garë, i ka shkuar pak më shumë përshtati ekipit nga Firenca. 

Juventus ia nisi ndeshjes në mënyrë më të mirë kur Arturo Vidal i dha epërsinë ekipit të tij ende pa u djersitur fanellat e lojtarëve në fushë. Intensiteti i ndeshjes u ngrit menjëherë derisa rastet e panumërta për të dyja palët bënë lojën tejet interesante. 

Të dy portierët, si Gianluigi Buffon i Juventusit ashtu edhe Neto i Fiorentinës përkundër se kanë pranuar nga një gol kanë qenë në nivel të lartë të detyrës. 

Ka qenë transferi më i shtrenjtë i vjollcëve nga Firenca, gjermani Mario Gomez, që ka barazuar rezultatin e ndeshjes 10 minuta pa përfunduar takimi derisa pritet një ndeshje edhe më e zjarrtë në Artemio Franchi javën e ardhshme për të përcaktuar çerekfinalistin italian nga ky duel. 

Benfica triumfon në Londër

Ndeshje tjetër e madhe u luajt në White Hart Lane, ku Tottenham u mposht nga Benfica 1-3. Djelmoshat e Jorge Jesusit kanë fituar falë përvojës së madhe të tyre në garat europiane dhe ka shfrytëzuar rastet e tyre në mënyrë maestrale si nga krosimet ashtu edhe nga tollovitë në zonë për të mposhtur londinezët. 

Qendërmbrojtësi brazilian Luisao ka qenë njeriu i ndeshjes  duke kontrolluar mbrojtjen dhe duke shënuar dy herë në portën e Hugo Llorisit të Tottenhamit. 

Real Betis e Lyon me fitore impresive

Olympique Lyon ka shënuar fitore që e çon në çerekfinale që tash, pasi që rezultati 4-1 ndaj Viktoria Plzenit duket të jetë i mjaftueshëm për të dalë nga kjo fazë. Derisa në derbin spanjoll të Sevillës, Sevilla është mposhtur nga Real Betis 0-2. 

EUROPA LEAGUE, Rezultatet: