Vëllaznimi i kthehet fitores

Vëllaznimi ka shënuar fitore ndaj Luftëtarit në Gjakovë sot, për t’iu kthyer fitoreve në Ligë të Parë.

Ekipi gjakovar ka shënuar fitoren e katërt në pesë xhirot e fundit, ndërsa ata kanë dominuar në pjesën më të madhe të ndeshjes ndaj kundërshtarit të sotëm.

Nazif Mulaku i dha epërsinë kuqezinjëve që në fillim të ndeshjes, ndërsa Valon Kasapi nga penalltia e ngriti atë në 2-0 në fillim të pjesës së dytë, para se Flamur Bajrami të vulos rezultatin përfundimtar të ndeshjes.

TABELA AKTUALE

Vëllaznimi tash ka 31 pikë nga 22 ndeshje të zhvilluara dhe ende gjendet në pozitën e nëntë, ndërsa Luftëtari është pa shpresë për shpëtim në Ligë të Parë.

Në xhiron e radhës, Vëllaznimi udhëton në Rahovec, derisa Luftëtari pret Ballkanin e Suharekës.