Vëllaznimi kampion, Istogu-Liria pa pikë!

Kuqezinjtë e Gjakovës janë kampion të Ligës së Parë të Kosovës, zyrtarisht, pasi që Komisioni Disciplinor i FFK-së nuk i ka dhënë pikë Istogut në ndeshjen e fituar ndaj Lirisë në xhiron e fundit të Ligës së Parë. 

Vëllaznimi kishte përfunduar stionrin me 67 pikë pas barazimit me telashe, 0-0, me Ballkanin në Suharekë; me të dëgjuar se ndeshja kishte përfunduar në Suharekë, njëri ndër përfaqësuesit e Lirisë në fund të ndeshjes me Istogun, dëgjohet duke i thënë lojtarëve të vetë ‘lëshojeni’, kur vjen edhe goli i Istogut - me ç‘rast Istogu shënon fitore 1-0 ndaj prizrenasve dhe me pikë të njejta del në vendin e parë të tabelës së Ligës së Parë. 

“Komisari pas analizoi në tërësi të gjitha shkresat në lëndë, por edhe nga inçizimi televiziv i ndeshjes, gjeti se e njejta tërë kohën ka qenë ndeshje e fortë dhe pa asnjë kalkulim nga njëra apo pala tjetër, ndërsa verpimet e individit Përfaqësuesit të KF “Liria” Bashkim Kajdomçaj, që ndodhën në përfundimin e ndeshjës në min. 90+2 që zëshëm iu ka drejtuar lojtarëve të vetë, me fjalën “lëshojeni” dhe pas kësaj është shënuar goli. Komisari i garave vlerëson se ai e mori këtë veprim në kundërshtim më rregullat dhe Rregulloren e garave për çka ndaj tij ka inicuar procedurë disciplinore,” thuhet në Vendimin e Komisarit të Garave të Ligës së Parë pranë FFK-së. 

Pala e pakënqaur ka të drejtë ankese në afat tetë ditësh, pas marrjes së vendimit nga FFK. 

Liria nuk arriti të dalë në Superligë këtë stinor, derisa Vëllaznimi e Istogu kishin siguruar më parë daljen në elitë, por luftonin vetëm për të përcaktuar vendin e parë të Ligës së Parë.