Veseli i lumtur për debutimin

Futbollisti i kombëtares shqiptare, Frederik Veseli, më në fund ka realizuar paraqitjen e tij të parë me fanellën e Empolit.

Veseli, i cili debutoi dje në ndeshjen kundër Genoas në Serie A, ka shprehur lumturinë e tij nëpërmjet një postimi në Instagram.

“I lumtur për debutimin tim nën fanellën e Empolit në barazimin 0-0 në Gjenova, pas një kohe larg fushave. Një pikë më shumë dhe ne shikojmë përpara për ndeshjen e radhës në shtëpi,” ka shkruar ai.

Veseli ishte transferuar te Empoli gjatë muajit gusht të këtij viti nga skuadra zvicerane, Lugano, mirëpo që nga ajo kohë nuk ka pasur asnjë paraqitje me skuadrën italiane.

Happy for my debut under Fc Empoli's shirt in the 0-0 draw away to Genoa, after a while being away from the field. 1 more point and we look forward to the next game at home ! Forza!! #serieA #Empoli #kuqezi

A photo posted by Frederic Veseli (@fredves) on Oct 17, 2016 at 4:25am PDT