GRUPI G
Vetëm barazim në Stamford Bridge
17 September, 2014 @22:50
Seria perfekte e Chelseat në Premier League nuk vazhdoi edhe në Ligën e Kampionëve. Të kaltërit nga Londra u desht të pajtohen me një pikë në përballje me skuadrën gjermane, Schalke 04.
Cesc Fabregas shënoi golin e epërsisë për Chelsean, kurse holandezi Klaas Jan Huntelaar e barazoi rezultatin për t’ia siguruar një pikë skuadrës së tij nga udhëtimi i vështirë në Stamford Brigde.
Në përbërjen e Schalkes në këtë ndeshje ishte edhe talenti shqiptar Donis Avdijaj, mirëpo inkuadrimi i tij në lojë nuk u mundësua nga trajneri Jens Keller.
Maribor shpëton në fund
Ekipi i sulmuesit shqiptar Agim Ibraimi, Maribor, ka arritur ta barazojë rezultatin fare në fund në ndeshjen kundër Sportingut me golin e Luka Zahovic në minutën e dytë të lojës shtesë.
Për Sportingun më parë golin e epërsisë e kishte shënuar transferi nga Manchester United, Nani, në minutën 80’ të ndeshjes.
Ibraimi ishte i plotë në këtë ndeshje, ndërsa në minutën 89’ u ndëshkua edhe me karton të verdhë.
Tabela aktuale
| 1 | Chelsea | 1 pikë | ||
| 2 | Maribor | 1 pikë | ||
| 3 | Schalke | 1 pikë | ||
| 4 | Sporting | 1 pikë |
Ndeshjet e radhës
| 1 | Sporting - Chelsea | |||
| 2 | Schalke - Maribor |
