“Ozil në mes”

Mesut Ozil ka dëshpëruar përsëri. Lojtari i përfaqësueses gjermane është humbur në fushë mbrëmë, derisa ekipi i tij ra pre e Borussia Dortmundin në Signal Iduna Park. 

Mirëpo, ish futbollisti i Arsenalit, Ian Wright, beson se ai nuk po luan në pozitën e tij natyrale - që është edhe shkaku kryesor pse ai nuk po mund të bëj më të mirën e tij. 

“Arsene, fute Ozilin në mes, prapa sulmuesve! Ai vlen 42 milionë për një arsye! Bëj diçka me të dhe bëje që ekipi të luaj përreth tij,” ka shkruar mes tjerash Wright, mbrëmë në llogarinë e tij personale të Twitterit. 

Ozil erdhi stinorin e kaluar te Arsenali nga Real Madridi dhe përkundër disa paraqitjeve të mira, ai nuk arriti të impresionojë asnjëherë te Topçinjtë, vazhdueshëm.