KOMENT NGA GILLESPIE
Januzaj s’përshtatet te Van Gaali
17 September, 2014 @15:37
Keith Gillespie, ish lojtar i Manchester United, ka thënë se belgu me origjinë kosovare, Adnan Januzaj, nuk do të përshtatet në lojën e Louis Van Gaalit.
“Januzaj është lojtar krahu ofanziv dhe nuk do të kthehet në mbrojtje. E Van Gaal me 3-5-2, nuk do ta pranojë këtë,” është cituar të ketë thënë Gillespie, njofton Goal.com.
Deklarata e Gillespiet vjen menjëherë pas hat-trickut të Januzajt të shënuar për ekipin e të rinjve të Manchesterit.
“Stinorin e kaluar ishte një Manchester i dobët dhe Januzaj e shfrytëzoi këtë më së miri për të dalë në pah. Mirëpo, tash ai nuk do të mund të luaj përkrah emrave si Angel Di Maria, Juan Mata, Robin Van Persie, ëayne Rooney dhe Radamel Falcao. Thjesht nuk ka vend për Adnanin,” ka shtuar më tej ai.
Januzaj me të nisur stinori i ri i Premier League nuk është duke e fituar hapësirën e duhur te Manchester United sikurse në stinorin e kaluar, kur udhëhiqej nga David Moyes.
