Vitoria beson në kualifikim

U mposhtën 1-0 në Allianz Arena, mirëpo Benfica zhvilloi një ndeshje të mirë duke mos e lejuar Bayernin ta bëjë lojën e vet. Të njëjtën gjë e synon Rui Vitoria edhe në ndeshjen kthyese.

“Duhet të luajmë mirë në mbrojtje pasi që kundërshtar e kemi njëren nga skuadrat më të mira në Evropë. Në ndeshjen e parë nuk fituam, mirëpo luajtëm shumë mirë. Ishim të organizuar siç duhet dhe të njëjtën duhet ta bëjmë edhe në Lisbonë.

Nicolas Gaitan është në dyshim dhe për të do të vendosim para ndeshjes. Kishim 5 mijë fansa në Mynih dhe ata ishin të jashtëzakonshëm. Të njëjtën e pres edhe sonte.” - u shpreh Rui Vitoria, kryetrajneri i Benficës.

Sonte portugezët do të jenë në mungesë të sulmuesit kryesor Jonas, i cili është i suspenduar.