"FERKI ALIU"
Vushtrria të hënën nis përgatitjet me trajnerin e ri
7 July, 2023 @14:52
Skuadra e Vushtrrisë, që garon në Ligën e Parë - Grupi B të Kosovës ka bërë të ditur se përgatitjet për stinorin e radhës në Ligën e Parë do të nisin të hënën që vjen, më 10 korrik.
Ekipi pas ndarjes me Alban Dragushën kah fundi i stinorit të kaluar, për stinorin vijues do të drejtohet nga Tahir Ademi. Ndihmës të Ademit janë përcaktuar të jenë Rizvan Jetullahu dhe Burim Sadiku.
Stërvitjet e para të hënën, ekipi i vushtrriasve do t’i mbajë në ora 10 të mëngjesit.
Stinori i ri i Ligës së Parë është paraparë të fillojë më 19 gusht 2023 ka bërë të ditur ditë më parë FFK-ja. ◼️
