Wenger i paqartë, jep shenja largimi

Pas deklasimit që skuadra e tij e pësoi nga Bayerni pak ditë më parë dhe pas rezultateve jo të mira në ligë që rezultuan me largim nga lufta për titull, fansat e Arsenalit kanë filluar t’i shprehin haptazi pakënaqësitë dhe në shumicë e dëshirojnë largimin e francezit nga posti i trajnerit.

Në mënyrë indirekte, shenja largimi ka dhënë edhe vetë Arsene Wenger.

“Nuk dua ta komentoj të ardhmen time, mirëpo do të ndodh ajo që është më e mira për klubin. Ajo ka rëndësi. Edhe nëse largohem unë, klubi duhet të jetë në gjendje të mirë dhe të jetë në dorën e dikujt që e meriton. Unë do të jem menaxher edhe sezonin tjetër. Ndoshta jo me Arsenalin, mirëpo nuk do të pensionohem nga futbolli.” - u shpreh francezi Wenger.

Se çfarë do të ndodh, mbetet të shihet në vijim!