RAJONALE
Winner Prizren U13, kampion rajonal
30 May, 2017 @8:54
Shkolla e futbollit Winner Prizren është bërë kampione në garat rajonale për grupmoshat nën 13 vjet.
Të drejtuar nga trajnerët Denis Isaja, Ferdi Herceg, Caner Gëzim dhe Sead Gorani, djelmoshat në ndeshjen e fundit të stinorit kanë siguruar titullin kampion.
Winner U13 ka mposhtur Ballkanin U13 në ndeshjen e xhiros së fundit me rezultat 5-1 për të festuar titullin kampion për këto grupmosha në rajonin e Prizrenit.
Tash këto grupmosha kanë një rrugëtim tjetër, pasi që do të udhëtojnë në një turne ndërkombëtar që mbahet në Stamboll të Turqisë.
Istanbul U12 Cup do të ketë në turne pjesëmarrës shkollat: Lokomotiv Plovdiv, Altinordu, Galatasaray, Akademija Pandev, Bishkek, Kazakistan dhe Winner nga Kosova.
Turneu nis në fillim të qershorit, saktë më 2 qershor.
