Xhaka, kapiteni i ri i Arsenalit!

Edhe pse këtë detyrë e ka kryer shumë herë, përfshirë këtu 6 nga 8 ndeshjet e këtij sezoni, Granit Xhaka që nga sot do të jetë kapiten i përhershëm i Arsenalit!

Kjo u bë e ditur sot nga konferenca për shtyp e Unai Emery, i cili këtë përgjegjësi do t’ia besojë mesfushorit me prejardhje shqiptare, një rol ky me peshë mjaft të madhe te 13 herë kampioni i Anglisë.

Kjo në fakt mund të llogaritet edhe si një dhuratë për Granitin, i cili sot feston ditëlindjen e tij të 27!