ROMA 4-0 BODO/GLIMT
Zaniolo me hat-trick çon Romën në gj’finale
15 April, 2022 @0:18
Roma ka arritur të përmbysë epërsinë e ekipit të papërshtatshëm norvegjez Bodo/Glimt, duke e fituar 4-0 sonte ashtu që me rezutlat të përgjithshëm 5-2 të shkojë në gjysmëfinale të UEFA Conference League.
Nicolo Zaniolo ka shkëlqyer te ekipi i Jose Mourinhos sonte, derisa ka kryer duelin me hat-trick, ndërsa Jose Mourinho me Romën janë bërë ekipi i parë që kanë mposhtur norvegjezët këtë stinor në Ligë të Konferencës pas Prishtinës me Zekirija Ramadanin në fazën kualifikuese të garës! Prej atëherë, Bodo/Glimt nuk ka pësuar në asnjë ndeshje kualifikuese, grupore e deri sonte.
Roma në gjysmëfinale do të ketë punë ndaj Leicester Cityt të Brendan Rodgersit, për të cilët kjo është gjysmëfinalja e parë evropiane në histori të klubit! Anglezët eliminuan PSV-në.
Përballja tjetër gjysmëfinale luhet mes Marseille dhe Feyenoord, ku holandezët kaluan Slavian e Pragës 1-3, ndërsa marsejezët fituan edhe në Greqi ndaj PAOK-ut 0-1 për të shkruar emrin në gjysmëfinale të garës.
GJYSMËFINALET E CONFERENCE LEAGUE:
| Leicester City - Roma | 28 prill dhe 5 maj | ||
| Feyenoord - Marseille | 28 prill dhe 5 maj |
