KOMISIONI I ANKESAVE
Zbutet dënimi i Hasanit
6 April, 2017 @19:47
Komisioni për Ankesa i FFK-së sot ka zbritur dënimin e shkallës së parë të datës 16 nëntor 2016, kur kishte dënuar Flakron Hasanin e Flamurtarit me 6 muaj moslojë.
Si arsyetim, shkalla e dytë e Komisionit për Ankesa, me kryetar Afrim Prekazin përmes pamjeve të CD-së nga ndeshja e zhvilluar Ballkani-Flamurtari ka konstatuar se ekzistojnë prova për zbutje dënimi për lojtarin në fjalë.
Kështu, Hasani prej 6, tani më ka suspendimin prej 4 muajve moslojë. Dhe, kur llogaritet mungesa e tij prej nëntorit, ai do të jetë në gjendje t’i ndihmojë Flamurtarit që në xhiron e ardhshme!
