LA LIGA
Zidane mund të shkarkohet
21 January, 2021 @12:23
Epoka e Zinedine Zidane në Real Madrid është drejt fundit sipas Marcas.
Madrilenët po kalojnë një kohë mjaft të vështirë, ndërsa së fundi u mposhtën edhe në Copa del Rey nga ekipi i ligës së tretë Alcoyano me dhjetë lojtarë, kupë kjo të cilën Zidane nuk e ka fituar kurrë si lojtar apo trajner.
Reali javën e kaluar gjithashtu humbi edhe në gjysmëfinale të Superkupës së Spanjës ndaj Athletic Bilbao.
Si pasojë e këtyre rezultateve të dobëta, presidenti Florentino Perez mund ta shkarkojë Zizoun nga pozita e trajnerit.
Madridi ende është në garë në La Liga dhe Champions League, por duke parë rezultatet e fundit, suksesi në këto gara duket mjaft i vështirë.