Zvicra me pikën e nevojshme për kualifikim

Duke mos u varur fare nga ndeshja tjetër që zhvillohej në të njejtën kohë [Brazili-Serbia] Zvicra ka siguruar pikën e nevojshme për të tubuar 5 pikë në total dhe kaluar tutje, në të tetën e finales.

Blerim Xhemajli i dha epërsinë Zvicrës, ndërsa për Kosta Rikën barazoi Kendall Waston.

E më pas, kur u mendua se Zvicra po e fitonte ndeshjen me golin e Josip Drmicit, ka qenë sulmuesi Bryan Ruiz që pa penalltinë e tij të dëbuar nga shtylla e prej shpinës së portierit Yann Sommer të përfundojë në rrjetë, për 2-2.

TABELA dhe ORARI

Në fakt, Kosta Rika ka pasur tepër raste të mira në 15 minutat e para të ndeshjes. Katër raste të qindpërqindta dhe shtylla të goditura - por goli nuk erdhi assesi në 45 minutat e para.

Në fund, Zvicra përfundoi e dyta duke nxjerrë të tetën e finales me Suedinë, ndërsa Kosta Rika duke shënuar kompletoi statistikën se të gjitha skuadrat pjesëmarrëse të Botërorit Rusia 2018, kanë shënuar së paku një gol në këtë turne.