Zyrtarizohet Elshani

Qemail Elshani, mesfushori 24 vjeç i Ferronikelit është prezentuar sot edhe zyrtarisht në konferencë për shtyp si lojtar i ri i Partizanit të Tiranës. 

Elshani, që ka qenë njëri ndër lojtarët më të dalluar të Ferronikelit në dy vitet e fundit, është shpallë kampion dhe ka fituar Kupën e Kosovës me ekipin e tij. 

Tash e tutje ai do të jetë në garë për titullin e kampionit të Shqipërisë, të cilën e synon ekipi i kuq nga Tirana. 

“Premtoj se do të jap më të mirën time për të realizuar objektivat e klubit, që këtë stinor është titulli kampion,” ka thënë mesfushori i ri ofanziv i ekipit tiranas.

Elshani ka nënshkruar kontratë 3 vjeçare me Partizanin, që së fundi ka ndërruar trajnerin Sylejman Starova me italianin Andrea Agostinelli.