SHQETËSIME PËR GJERMANIN
Shtohet numri i lëndimeve, Liverpool hap “kuletën”
6 January, 2016 @12:00
Skrtel, Sakho, Origi, Enrique, Flanagan, Gomez, Ings, Henderson, Rossiter, Sturridge dhe së fundi edhe Coutinho, Kolo Toure e Dejan Louvren. Kjo është lista e plotë e cila e ka mbushur spitalin e Liverpoolit.
Orari i ngjeshur i ndeshjeve dhe fakti që në Premier League nuk ka pushim për festat e fundvitit kanë ndikuar keq tek skuadra e Jurgen Klopp, i cili për Sky Sports deklaroi që sipas të gjitha gjasave është i detyruar të hidhet në merkaton e janarit, duke marrë parasysh lëndimet në skuadër.
“Tashmë nuk kam asnjë qendërmbrojtës të gatshëm. Deri para 2 javësh kisha tre, kurse pas ndeshjes ndaj Stoke nuk kam asnjë.” - u shpreh gjermani.
