100% edhe në finale

Përzgjedhësi 59 vjeçar i Argjentinës, Alejandro Sabella, i kritikuar shumë për shkak të mospërvojës së tij me ekipe të mëdha, ka arritur që ta dërgojë Argjentinën në finale të Botërorit pas 24 vjetëve për herë të parë. 

Ai ka siguruar se Gauchosët do të jenë 100% të fokusuar për në finale pas fitores ndaj penalltive sot në ndeshje ndaj Holandës. 

“Jam i lumtur për shkak se kemi arritur finalen dhe tash do të shohim se ç‘do të ndodh. Si gjithmonë ne do të japim gjithçka nga vetja, me përulësi, punë dhe me 100% përpjekje,” është cituar ai pas ndeshjes me Holandën nga BBC. 

Argjentina do të ndeshet me Gjermaninë në finale të 13 korrikut në Rio de Janeiro në stadiumin e famshëm, Maracana.