Kasami në Olympiakos

Pajtim Kasami është transferuar nga Premier League në Superligën e Greqisë.

Mesfushori 22 vjeçar në stinorin e ri do ta bartë fanellën bardhë e kuq të Olympiakosit, skuadër kjo me të cilën ka nënshkruar kontratë tre vjeçare.

“Jam shumë krenar që kam nënshkruar kontratë dhe jam bërë pjesë e një klubi të madh siç është Olympiakos,” tha Kasami me rastin e transferimit të tij, transmeton faqja zyrtare e klubit grek.

Kasami në stinorin e fundit ka pasur gjithsej 29 paraqitje në Premier League, por në kohët e fundit e humbi statusin e lojtarit titullar, duke u inkuadruar kryesisht si rezervist në lojë, e që kjo ndikoi edhe në përfaqësuese duke mos u ftuar për Kampionatin Botëror me Zvicrën.

Olympiakos është kampion aktual në Greqi dhe në stinorin e ri do të garojë edhe në Ligën e Kampionëve.