Napoli kërkon Michun

Sulmuesi spanjoll i Swanseat, Michu, mund të përfundoj në Serie A, përkatësisht në skuadrën e Napolit për stinorin e ri.

Ekipi i dyshes shqiptare, Behrami - Xhemajli, po synon ta përforcoj sulmin duke e transferuar në skuadër spanjollin 28 vjeçar në formë të huazimit.

Michu nuk ka udhëtuar me skuadrën në Shtetet e Bashkuara për përgatitjet për stinorin e ri, ndërsa kompania e cila e ka futbollistin në pronësi, Bahia International, ka konfirmuar se klubet janë në negociata dhe se kalimi i tij në Napoli mund të realizohet shumë lehtë.

Trajneri i Napolit, Rafa Benitez, po kërkon me çdo kusht përforcime në sulm, pasi që dëshiron ta rrit konkurrencën ndërmjet sulmuesve si Higuain, Pandev dhe Zapata, duke pasur parasysh që në stinorin e ri do të garojnë edhe në Ligën e Kampionëve.