CORONAVIRUS
11 lojtarë dhe 3 anëtarë tjerë të klubit - pozitiv në COVID-19
29 September, 2020 @0:58
Genoa ka 11 lojtarë pozitiv në COVID-19 dhe 3 anëtarë tjerë të stafit të klubit gjithashtu pozitiv.
Mediat italiane kanë bërë të ditur se gjashtë prej lojtarëve kanë qenë në fushë ndaj Napolit dje, ku Genoa humbi thellë 6-0.
Sky Sport Italia ka shkruar se simptomat e lojtarëve kanë filluar pasi që u kthyen në Xhenovë nga ndeshja me Napolin, që çuan në ri-testim të lojtarëve.
Derisa të qartësohet gjithçka, shumë është e mundshme që përballja mes Genoas e Torinos, e radhës në Serie A për xhenovezët, të shtyhet.
Tashmë edhe Napoli është në ethe, pasi që futbollistët duhet të izolohen, ndërsa ata duhet të ri-testohen para se të nisen për në Torino për përballje ndaj kampionit, Juventus.