SUPER BARÇA
299 Messi, 30 Barcelona
14 February, 2016 @22:09
Thellohet rekordi i Luis Enriques. Tashmë Barcelona shkon në 30 ndeshje radhazi pa humbje për herë të parë në historinë e klubit.
Përveç goleadës dhe spektaklit të dhuruar, ajo çfarë ra në sy sonte ishte një penallti e ekzektuar në mënyrë të çuditshme por efikase nga skuadra kampione e Evropës, ku Messi pasoi për Suarezin i cili erdhi nga jashtë zonës dhe shënoi. Përveç këtij goli, Suarez shënoi edhe dy të tjerë, duke arritur kuotën e 23 golave sezonalë në La Liga, 2 më shumë se Cristiano Ronaldo. Po ashtu edhe Messi shënoi një gol, Rakitic një dhe Neymar një.
Vlen të përmendet fakti që me golin e shënuar sonte, Messi arrin shifrën e 299 golave personalë në La Liga.
Me këtë fitore, Barcelona ndodhet në vendin e parë me 57 pikë, 3 më shumë se Atletico, të cilët kanë një ndeshje më shumë të zhvilluar.
