ZLATAN TIME
Foto: MUFC Official
4 minuta, gol me volej, fitore - Ibra në United
30 July, 2016 @21:27
Zlatan Ibrahimovic ka dëshmuar menjëherë fushatën e Manchester Unitedit nëpër internet me hashtagun #ZLATANTIME (Koha për Zlatanin).
Atij i janë dashur vetëm 4 minuta në debutim për të shënuar, ndërsa çdo kontakt i tij me topin duartrokitej nga publiku në stadiumin “Ullevi” të Suedisë sot, ku United mposhti Galatasarayin 5-2 në fund.
Ibra ishte në fushë për 45 minuta, ndërsa në krahun e mbrojtjes luajti këmbëshpejti Antonio Valencia, që regjistroi 3 asistime sot.
Manchester United vs Galatasaray 5-2 ~ All… by Sports_HD
Sulmuesi i talentuar i Manchester Unitedit, Marcus Rashford, derisa Ibra ishte në bankën rezervë, bëri një depërtim fantastik në zonën e ekipit turk, për të nxjerrë penallti për ekipin e tij - e Ibra i befasuar me talentin e tij, u ngrit në këmbë për ta duartrokitur lojtarin.
Te Galatasaray, Blerim Xhemajli, ka qenë për 90 minuta në lojë, derisa trajneri holandez i ekipit turk, Jan Olde Reikenrik, ka ndërruar vetëm 5 lojtarë gjatë gjithë ndeshjes, në krahasim me Jose Mourinhon e Unitedit, që asnjë lojtar nuk e la për 90 minuta në lojë.
