‘89-shi i rikthehet fitores, ruan vendin e dytë

Trepça’89 ka arritur një fitore jo aq të lehtë ndaj Phoenixit që po lufton për mbijetesë në Ligë të Parë - Grupi A, por jashtëzakonisht të rëndësishme për tu këndellur nga humbja e xhiros së kaluar në derbi ndaj Suharekës si dhe për të mbajtur pozitën e dytë në renditje tabelare, pasi që kjo pozitë siguron barazhin për Superligë.

Trepça’89 - Phoenix 2-0 [Ardi Hasani 65’, 77’]

Pas kësaj fitoreje, Trepça’89 ka 42 pikë nga 23 xhiro, ndërsa Phoenix ka 19 pikë nga 23 xhiro. Trepça’89 mbyll javën në pozitë të dytë, ndërsa Phoenix në pozitën e parafundit.