Fantasy TopSporti
Të gjitha lajmet
Tabelat dhe Rezultatet

TREPÇA '89 - ISTOGU

‘89-shi mposhtet nga Istogu, humbja e parë sezonale

Foto: KF Istogu

‘89-shi mposhtet nga Istogu, humbja e parë sezonale


27 November, 2021 @15:06

Humbja e parë sezonale për Trepçën ‘89 ka ardhur në xhiron e fundit të stinorit vjeshtor në Ligën e Parë.

Disfatën e parë mitrovicasve ia shkaktoi Istogu, që drejtohet nga Bekim Shotani, ish-trajneri i Trepçës ‘89. Istogu në fund ndeshjen e mbylli me fitore 1-2.

Istogu shënoi në rastin e parë që e pati. Në minutën e tretë, ishte Erjon Qeta ai që shënoi në portën e mitrovicasve, për 0-1 të Istogut. Me këtë rezultat u mbyll pjesa e parë.

TABELA AKTUALE

Fitorja e “troftave” u vulos në minutën e 79’, kur Granit Arifaj realizoi për 0-2. Në minutën e 88’, mitrovicasit e ngushtuan disavantazhin në 1-2, përmes futbollistit Rilind Nimani, por nuk mund të bënin më tepër dhe ndeshja u mbyll me fitoren e Istogut.

Përkundër humbjes sot, Trepça ‘89 do të dimërojë si lidere e Grupit A të Ligës së Parë, kurse Istogu e mbyll stinorin vjeshtor me 16 pikë të tubuara.


 
Të gjitha lajmet nga FFK Liga e parë