JUVENTUS-NAPOLI
90 minuta për Hysajn, Higuain ndëshkon Napolin
29 October, 2016 @22:37
Pas humbjeve ndaj Interit e Milanit, Juventusi e ka treguar forcën ndaj rivalit për titull Napolit, duke e fituar takimin e zhvilluar sonte në ‘Juventus Stadium’ me rezultat 2-1.
Pjesa e parë ishte e mërzitshme, me pothuajse asnjë rast për shënim, ndërsa pjesa e dytë ishte shumë më atraktive.
Në epërsi të parët kaluan vendasit me një gol të Leonardo Bonuccit, i cili shënoi pas një gabimi në mbrojtjen mysafire, mirëpo rezultati u barazua shumë shpejt nga argjentinasi Callejon, i cili shfrytëzoi një krosim të mirë nga Insigne.
20 minuta para fundit, ishte pikërisht i transferuari nga Napoli tek Juventusi, Gonzalo Higuain, ai që e ndëshkoi ish-skuadrën e tij, duke e shënuar golin e fitores me të majtën. Në shenjë respekti, argjentinasi nuk e festoi golin e shënuar.
Vlen të përmendet që në këtë takim për 90 minuta u paraqit edhe Elseid Hysaj, i cili pati një paraqitje solide.
Tashmë diferenca mes Juventusit e Napolit është 7 pikë, ndërsa nëse Milani apo Lazio fitojnë nesër, Napoli e humb vendin e tretë.
All Goals HD Juventus 2 - 1 Napoli 29.10.2016 by gooooooooooal
