MANCHESTER
Aguero shkëlqen në derbi
2 November, 2014 @16:27
Kampioni aktual i Anglisë, Manchester City ka fituar derbin e qyteti ndaj Manchester Unitedit.
Një gol i shënuar nga Sergio Aguero, pas pasimit të Gael Clichy nga një akcion i Yaya Toures ka qenë i mjaftueshëm për tre pikë të reja për ekipin e Manuel Pellegrinit.
Goli erdhi në minutën e 63-të të ndeshjes, derisa Manchester United kishte mbetur me 10 lojtarë në fushë pasi që Chris Smalling ishte ndëshkuar me të kuq, pas dy kartonave të verdhë të marrë brenda 8 minutave, 31’ dhe 39’.
Adnan Januzaj ka pasur një ndeshje për të harruar, pasi që Louis Van Gaal e ndërroi që në minutën e 43-të të ndeshjes, kur Smalling morri të kuqe dhe ndërroi taktikë duke e futur Michael Carrickun në ndeshje.
Sergio Aguero me golin e shënuar sot ka kaluar në krye të listës së golashënuesve në Premier League, derisa ka pasur një performancë të shkëlqyer ku nga 5 shuta të tij drejt portës në ndeshje, 4 e kanë gjetur kornizën e njëra përfundoi në portë.
