Real i kthehet fitores

Skuadra e Alavesit ka shënuar golin e parë të sezonit, mirëpo kjo nuk ishte e mjaftueshme për ta ndalur Realin e Madridit, që takimin e mbylli me fitore 1-2.

Pas humbjes nga Betisi, Reali ‘i etur’ për fitore golat i arriti përmes mesfushorit Ceballos, kurse golin e parë të ekipit këtë stinor për vendasit e shënoi Garcia në minutën e 40’. Fitorja e arritur sot është e 12 me radhë për Realin në udhëtim në ndeshjet në La Liga, një rekord i ri ky për klubin madrilen, i cili këtë gjë nuk e kishte arritur asnjëherë në histori.

TABELA AKTUALE LA LIGA

Kjo fitore e afron Real Madridin në 4 pikë me Barcelonën, mirëpo kjo e fundit ka një takim më pak të zhvilluar. Sa i përket Alavesit, kjo skuadër mbetet ende pa pikë pas 6 xhirove.