SHQIP NË ZVICËR
Albian Ajeti zyrtarizohet te Basel
3 October, 2017 @14:40
Pas viteve të kaluara në vende tjera, Albian Ajeti, që nisi karrierën te juniorët e Baselit, është rikthyer te ekipi i tij.
Ai u zyrtarizua nga faqja zyrtare e ekipit dhe iu dëshirua mirëseardhja, derisa Ajeti 20 vjeç tha se me punë gjithçka arrihet.
Ajeti prej vitit 2015 luajti te Augsburg dhe Augsburg II, për t’u kthyer në Zvicër në stinorin e kaluar ku shkëlqeu me St Gallenin, duke shënuar 10 gola në 29 paraqitje.
Sulmuesi i lindur në Basel, ka shënuar edhe 3 gola tjerë në 7 xhirot e para të këtij stinori për St Gallenin, ndërsa pas pauzës së ekipeve, do të rikthhehet edhe zyrtarisht në fushë me ekipin e tij të fëmijërisë.
