FA CUP: 1/16
Alexis debuton me asist, United vazhdon tutje
26 January, 2018 @22:57
Në takimin e zhvilluar në 1/16 e FA Cup, takim ky që ishte i 100-ti nën drejtimin e Mourinhos, United ka shënuar fitore të lehtë ndaj skuadrës së Yeovilit, për të kaluar kështu në 1/8 e finales.
Ky duel ishte i pari me ‘Djajtë e Kuq’ edhe për kilianin Alexis Sanchez, i cili luajti për 70 minuta dhe debutimin e tij e mbylli me një asistim.
FA CUP - LISTA E NDESHJEVE TË FUNDJAVËS
Golat për skuadrën e drejtuar nga Jose Mourinho erdhën nga Rashford, Herrera, Lingard dhe Lukaku, ndërsa vendasit nuk e gjetën golin e nderit në asnjë moment.
Sa i përket statistikave, kjo fitore bën që United të ketë rekord 100% të fitoreve në vitin 2018, derisa edhe porta e 20 herë kampionit anglez ende nuk është prekur në këtë vit kalendarik.
