RODGERS
Alexis do të ishte perfekt për Liverpoolin
19 December, 2014 @15:43
Ish sulmuesi i Barcelonës, Alexis Sanchez, para se të transferohej në Arsenal, ishte shumë afër që të kalojë në skuadrën e Liverpoolit.
Dështimin në transferimin e tij ende e ka në mendje trajneri i të kuqëve, Brendan Rodgers, i cili beson se Liverpooli do të ishte shumë më i fortë me kilianin në sulm.
“Alexis është një lojtar i klasit botëror. Ardhja e tij tek ne do të ishte perfekte,” tha ndër tjerash Rodgers.
Futbollisti 26 vjeçar i cili shkëlqeu në Kampionatin Botëror, ishte cilësuar si zëvendësim ideal për Luis Suarezin e larguar në drejtim të Barcelonës, mirëpo në fund kilian i zgjodhi topxhinjtë.
Arsenali dhe Liverpooli do të jenë këtë të dielë përballë njëra tjetrës në kuadër të Premier Leagues.
Sanchez për momentin është golashënuesi i tretë më i mirë në kampionatin anglez me 9 gola, duke u renditur pas Sergio Agueros dhe Diego Costas.
