Allegri në shitje!

Një tifoz i Milanit ka vendosur ta shesë trajnerin e rossonerëve, Massimiliano Allegri, në E-Bay. I pakënaqur nga rezultatet e fundit në Serie A të Milanos, tifozi e ka vendosur ish trajnerin e Cagliarit në shitje me tekstin e mëmposhtëm. 

“Në shitje është trajneri pa ide dhe pa karakter. Ju ofroj një trajner të pavlefshëm, që nuk din si t’i udhëheq stërvitjet e ekipit dhe s’din t’i motivojë futbollistët e tij. Ai është i specializuar për ndeshje ndaj Barcelonës, ndërsa nëse i paguani paratë menjëherë, fitoni falas edhe ndihmësin Mauro Tassoti. Nuk përgjigjemi për gabime në prodhim,” ka shkruar tifozi milanez në tekstin e tij për shitjen e Allegrit, kanë njoftuar mediat italiane sot. 

Çmimi i vënë për Allegrin është 1€. Milan pas nëntë xhirove në Serie A gjindet në pozitën e dhjetë të tabelës me vetëm 11 pikë. Liderja e Serie A-së, Roma, ka 27 pikë.