Amiens padit Ligue 1 për rënie nga elita

Klubi i futbollit, Amiens, që me vendim ka rënë nga elita e futbollit francez, Ligue 1, ka nisur padi ndaj ligës, bën të ditur BBC Sport sot.

Amiens, që ka qenë i 19-ti në renditjen tabelare, ka pasur vetëm 4 pikë më pak se Nimes, që ka shpëtuar nga rënia, ndërsa deri në fund të stinorit kishin mbetur edhe 10 xhiro.

Ligue 1 u anulua për këtë stinor pas shpërthimit të pandemisë coronavirus dhe ndalimit të qeverisë për aktivitete që tubojnë mbi 50 njerëz pa distancë fizike deri më 1 shtator.

Ligue 1 shpalli kampione të stinorit Paris St Germainin, që ishte në vend të parë me 12 pikë më shumë sesa ndjekësi Olympique Marseille.

Kryetari i Amiens Bernard Joannin ka thënë se klubi do të luftojë këtë vendim jo korrekt të ligës.

“Ky vendim shkon kundër sportivitetit. Ky vendim është dënim nga liga. Nuk është aspak fair-play. Do të luftojmë në gjyakata këtë vendim të padrejtë”, ka konstatuar Joannin.

Lorient dhe Lens nga Ligue 2 do të zënë vendin e Amiens dhe Toulouse në Ligue 1, pas vendimit të ligës.

“Ne nuk po e kontestojmë vendimin për të ndalë stinorin. Ne po i kontestojmë konsekuencat e këtij vendimi,” ka thënë zyrtari i lartë ligjor i Amines, Christophe Bertrand.