REAL MADRID
Ancelotti tregon cakun
12 March, 2014 @16:48
Synimi kryesor i Real Madridit për këtë stinor është Europa.
Trajneri italian i madrilenëve po planifikon ta fitoj titullin e dhjetë të Ligës së Kampionëve për Real Madridin.
“Real Madrid ka një histori shumë të rëndësishme, por megjithatë që nga viti 2002 skuadra nuk po arrin të shkoj në finale të Ligës së Kampionëve. Është bërë një kohë e gjatë dhe për këtë arsye synimi ynë kryesor për sivjet është Liga e Kampionëve,” ka thënë Ancelotti, shkruan Eurosport.
Ai gjithashtu shtoi se në La Liga ndihet rehat pasi që është lider, megjithëse Atletico Madrid dhe Barcelona janë në ndjekje, kurse nga ekipet europiane më të rrezikshmin e sheh Bayern Munchenin.
“Nëse i shikojmë skuadrat të cilat janë për momentin në Champions League, më e rrezikshmja duket Bayern Muncheni,” përfundoi italiani.
Reali në ndeshjen e parë të 1/8 së finales në Ligën e Kampionëve ka shënuar fitore me rezultat të thellë 6-1 ndaj Schalkes, ndërsa ndeshjen e kthimit do ta luaj me 18 mars në Santiago Bernabeu.
