Anglia ndalet nga Ekuadori

Pas befasisë italiane, ka ndodhur edhe një befasi tjetër sonte. Ekuadori, një përfaqësuese e rangut të dytë në renditje të FIFA-së, ka arritur të ndalë njërën ndër më të fortat në botë, Anglinë. 

Përkundër se ekuadorianët ia nisën mirë ndeshjes, Wayne Rooney qetësoi gjithçka në Sun Life Stadium të Miamit, derisa në pjesën e dytë sulmuesi i ri i Liverpoolit, Rickie Lambert, shënoi për epërsinë e Tre Luanëve. 

Por, 20 minuta para fundit të takimit, Michael Arroyo ka arritur që të shënojë gol për të barazuar rezultatin e takimit, derisa përkundër se kishte kohë, anglezët nuk arritën të shënojnë duke u ndarë me një barazim dëshpërues para Botërorit. 

Anglia është në një grup me Italinë, Uruguajin dhe Kosta Rikën në Kampionat Botëror, që nis javën që vjen.