Ankesa për Gabrielin, kalon

Kartoni i kuq i Gabrielit, është shfuqizuar nga Federata Angleze e Futbollit (FA) sot, pasi që Arsenal është ankuar, ka bërë të ditur BBC para pak çastesh. 

Futbollisti 24 vjeç u skuq nga referi Mike Dean për shkak të sjelljes së pahijshme pas grindjes me Diego Costan. 

Shfuqizimi i kartonit të kuq të referit Dean për Gabrielin, do të thotë që braziliani nuk do të dënohet me tre ndeshje moslojë, siç janë dënimet minimale për karton të kuq. 

Sidoqoftë, Gabriel Paulista, sonte do të jetë edhe njëherë temë e FA-së, pasi që ai është në disciplinore edhe për mosdaljen e menjëhershme nga fusha pasi që kishte marrë këtë karton.